اعظم رجل شفته

عارفين الصور دي بتاعت مين دي صور بيت اعظم رجل شفته

اسماعيل هنية .. الراجل ده اللي اسطورة .. باحبه جدا .. ماعرفش حد ما حبهوش .. النيويورك تايمز حطوه في قايمة أفضل 10 سياسيين على مستوى العالم ..
واحد من الناس
عارفين الحلم بتاع اننا نختار رئيس مننا ويبقى بيخاف علينا ويحبنا ويسهر على راحتنا ويبذل عشاننا ! ومايسرقناش ويلف العالم عشاننا وعشان قضايانا ومشاكلنا ؟
عارفين الحلم ده
ان رئيسنا ينزل وسطينا ويمشي معانا ويلعب معانا ويهزر معانا ويبقى حبه ده حقيقي وبينعكس على سياسته وعلى اقتصادنا ومستقبلنا ؟
عارفين الحلم ده
الفلسطينيين حققوه
وربنا أوجدلهم اسماعيل هنية
عشان يحققلهم الحلم
عقبالنا يارب
خلونا نتعرف عليه

الاسم: إسماعيل عبد السلام احمد هنية

تاريخ ومكان الولادة: 1963م غزة- معسكر الشاطئ.*

* البلدة الأصلية: الجورة- عسقلان.*

* متزوج وله 13 من الأبناء

المحطات الدراسية:*

الدراسة الابتدائية والإعدادية : مدارس الوكالة بالشاطئ.*

الدراسة الثانوية : في معهد الازهر الديني بغزة.*

الدراسة الجامعية : كلية التربية- قسم اللغة العربية بالجامعة الاسلامية.****

محطات في حياته

العمل في الكتلة الاسلامية منذ الالتحاق بالجامعة الاسلامية سنة 1981م.*

عضو مجلس الطلاب بالجامعة الاسلامية عام 83-1984م.*

رئيس مجلس الطلاب بالجامعة الاسلامية عام 85-1986م.**

** الاعتقالات:*

الأولى : لمدة 18 يوما بتاريخ 24/12/1987م.*

الثانية : لمدة 6 شهور إداري بتاريخ 15/1/1988م

الثالثة : لمدة ثلاث سنوات بتاريخ 18/5/1989م.**

** الابعاد :§* الأبعاد الى مرج الزهور في الجنوب اللبناني لمدة سنة بتاريخ 17/12/1992 مع أكثر من 400 قيادي من حركتي الجهاد الاسلامي وحماس في الضفة الغربية وقطاع غزة .**

** المناصب

عضو المجلس التشريعي الفلسطيني المنتخب*

أمين سر مجلس أمناء الجامعة الاسلامية سابقا.*

مدير الشؤون الإدارية في الجامعة الاسلامية سابقا.*

مدير شؤون الأكاديمية في الجامعة الاسلامية سابقا.*

عضو مجلس أمناء الجامعة الاسلامية سابقا.*

عضو لجنة الحوار العليا للحركة مع الفصائل الفلسطينية والسلطة الفلسطينية.*

عضو لجنة المتابعة العليا للانتفاضة ممثلا عن حركة حماس

مدير مكتب الشيخ احمد ياسين.*

عضو القيادة السياسية للحركة.*

عضو الهيئة الإدارية العليا للجمعية الاسلامية سابقا.*

رئيس نادي الجمعية الاسلامية بغزة لمدة عشر سنوات تقريبا.
صور من بيته

متي تنتهي انتهاكات كلاب العادلي

ربنا يستر الواحد خايف يمش في الشارع يكون زي صاحبنا اللي في الصوره "كفته "

لقي المواطن محمد ناصر إبراهيم (بائع ألبان) بمدينة السويس ظهر أمس الإثنين 29 أكتوبر مصرعه، بعدما أطلق علاء ثروت عبد المقصود- مندوب شرطة المرور بحي الأربعين بالسويس- النار عليه أثناء مروره بدراجة بخارية (موتوسيكل) أمس الأول الأحد؛ حيث طلب أمين الشرطة رخصة الدراجة البخارية التي كان قد اشتراها الضحية لفوره، على حدِّ قول أهله، وبالتالي لم يسعفْه الوقت لاستخراج الرخص، وهو ما أدَّى إلى احتدام النقاش بينهما، فأطلق أمين الشرطة النار عليه.

وأكدت التقارير الطبية بمستشفى السويس العام إصابة المجني عليه بطلق ناري نافذ في العنق، وتجمُّع دموي شديد في الرقبة، وعلى إثر ذلك لقي مصرعه في اليوم التالي للحادث، وتم نقل القتيل من مستشفى السويس العام- حيث كان يعالج قبل وفاته- إلى مستشفى قصر العيني بالقاهرة، والتي انتقل منها إلى مشرحة زينهم بعد أن فاضت روحه؛ حيث تجمع أهالي القتيل في ثورة عارمة خارج المشرحة، بعدها أمرت النيابة بدفن الجثة بعد إثبات كل ما جاء في التقارير الطبية، وتسلَّم الأهل الجثة وقاموا بدفنها.

ولم ينفِ مدير أمن السويس إطلاق النار، إلا أنه برَّر الحادث بمحاولة محمد ناصر الاعتداءَ على أمين الشرطة بالمطواة، إلا أن ناصر عبد الفتاح عزاز- خال القتيل- نفَى هذه التصريحات، قائلاً: "إن هناك شهودَ عيانٍ تؤكد صحة روايتهم، وإن ابن اخته فوجئ بالمتهم يسحب السلاح الميري ويصيبه بالأعيرة النارية.

وطالب أحمد ناصر إبراهيم- شقيق القتيل- بإعادة فتح باب التحقيق في القضية، كما تقدم مركز النديم وهشام مبارك ببلاغٍ للنائب العام لإعادة فتح باب التحقيق في الواقعة.

وقال عبد الحميد فرج- محامي القتيل- إن هناك العديد من الإجراءات القانونية التي سيتخذونها لإعادة فتح التحقيق في الواقعة، من بينها إعادة سماع الشهود، خاصةً أنهم تقدموا بعد الحادث مباشرةً مدفوعين من الداخلية، على حدِّ قوله، خاصةً أن أعمارهم تتراوح ما بين 16 و17 عامًا، ورووا الواقعة حسب ما تم تلقينهم في مديرية الأمن، مشيرًا إلى أن هناك شاهدًا آخر سيتم سماعه أيضًا.

ومن جانبه أكد سعد خليفة- عضو الكتلة البرلمانية للإخوان المسلمين ونائب دائرة السويس- أنه سيتقدم بسؤال إلى وزير الداخلية حول الواقعة، واصفًا ما حدث بالتهوُّر وعدم ضبط النفس من جانب رجال الشرطة ضد أي مواطن يقبل عليها

انت مسلم ....اذن انت ارهابي

.

.تعريفات عصرية لابد من معرفتها

و معرفة مدلولا تها

قبل أن تقرأ أو تسمع أو تشاهدأي نشرة أخبار

أو بعض البيانات الصحفية أو بعض المقالات لبعض العلمانيين والانبطاحيين

مسلم ==== >أصولي

مسلم ملتزم ====> إرهابي

مسلم بالهوية فقط ==== >معتدل

وتشرب وتزني ولاتصلي ====> عصري

تطالب بالعودة الى الاسلام ====> ظلامي

تحكيم الكتاب والسنة ====> رجعي ويريد العودة الى الوراء

تنبطح وتنبح للغرب ====> حضاري ومتطور

حكومة اسلامية ولاتطبق الاسلام ==== >حكومة عقلانية

حكومة اسلامية تحارب الاسلاميين ==== >حكومة معتدلة

قتل يهودي ====> جريمة اغتيال

قتل مسلم ====> قتل مستهدف او قضاء وقدر

قتل طفل مسلم ====> مسؤولية عائلية

قتل طفل يهودي ====>مسؤولية اسلامية

مظاهرات عربية ====> قمع وتحجير

مظاهرات يهودية ====> حق التعبير

غربي ينتقد ====> حقوق مدنيه

عربي ينتقد ==== >سجون ابديه

استهزاء بالاسلام ==== >رأي وحرية

انتقاد اليهود ====> معاداة للسامية

غربي ====> له حقوق كاملة

عربي ====> له زنزانة جاهزة

كل سنه وانتو طيبين وربنا يبارك في العضم

كل سنه وانتو طيبين وعيد سعيد علينا وعليكو جميعا

البوست ده صغير خالص لانه بصراحه جه علي بالي وانا عند الجزار انهارده

بصراحه لقيت عدد هائل من البشر كل واحد ينتظر دوره لشراء اللحمه

وتذكرت الكلام الكتير للناس اللي بيقولوا ما فيش فلوس في البد والناس غلبانه

ومش لاقية تاكل وبصراحه قعدت اتسائل واضحك في نفسي واقول لما الناس مش لاقيه تاكل

جايين يشتروا لحمه ليه ؟؟؟؟ مش احسن يوفروا الفلوس لشراء المستلزمات اليومية

ولا الناس كلهم وجدوا خاتم سليمان والفلوس بتزل زي المطر عليهم بفضل المارد

ولا الناس دخلوا مغارة علي بابا والياقوت والمجوهرات والفلوس والدهب ووالفضه بقوا كتير عشان كده بدأو يشتروا اللحمه

بصراحه يا جماعه كل الافكار دي بدأت تتصحح لما لقيت واحده ست ومعاها عيالها جايه تشتري ربع كيلو لحمه و2جنيه عظم

انتو عارفين يا جماعه ربع كيلوا لحمه يعني ايه يعني حتة لحم تكفي اتنين بالكتير اوي طب يا ست واخده العضم ليه قالت علشان الشوربه يا بيه هي حتة اللحمه دي اتعمل شوربة تكفي العيال دول غير اللي في البيت

قلت لها هو لسه فيه في البيت قالت يا بيه ربنا يبارك كنا بنشتري بالاربعه كيلوا لحمة في الشهر دلوقتي ربع كيلوا يا دوب في الشهر حلو اوي

قلت له وبتقضي باقي الشهر ازاي قالت ربنا يبارك في العضم

حينها تذكرت عادل امام في فيلم شعبان فوق البركان وهو ذاهب للجزار ليشتري عضم وبعدين وجد لناس كلها اللي بياخد 5 كيلوا واللي بياخد عشره فقال للجزار عايز بريال عضم للكلب

كل سنه وانتو طيبين

صدق او لا تصدق السيد البدوي من كبار الصحابه

ارجو من كل من يقرا هذا الموضوع ان يكمله للاخر
ولا يقفل جهازه او يغلق الصفحه ولا حتي يشد في شعره
كلنا عارفين مسجد السيد البدوي بمدينة طنطا
بس اللي ما حدش يعرفه قصة المسجد ده ولا مين اللي بناه ولا مين صاحب المسجد او قصته
بص يا عم انت وهو وهي السيد البدوي ده كان راجل من كبار الصحابه
يعني من الاخر كان احسن من سيدنا ابو بكر وعمر دا يا اخي ده وصل به الامر انه كان ممكن يكون نبي!!!
بس الرسول محمد صلي الله عليه وسلم جه وهو احق طبعا صلي الله عليه وسلم
المهم قصة السيد البدوي بدأت مع هجرة المسلمين الي الحبشة فبدل ما يهاجر من مكه الي الحبشه
هاجر من مكه الي مصر وبالذات في طنطاعند مكان المسجد بتاعه وبني اول مسجد في الاسلام
وكان عباره عن اوضه صغيره ياكل وينام و
يصلي فيها لحد ما الاسلام انتشر وفضل السيد البدوي عايش والبركه بتاعته
حلت علي المكان وعلي اهل طنطا جميعا
حتي انتشر امره وبقي سره باتع وتوافد الناس علي غرفته من كل مكان
لياخذوا البركات منه عشان ربنا يغفر لهم!!!! واللي يجيب معزه يدبحها ويقول شيالله يا سيد يا بدوي
واللي يجيب ابنه يبقي من خدامه
يعني يعملله الاكل والشرب عشان الواد يبقي واد مبروك
لحد ما جه يوم السيد البدوي زعل من بعض المصريين
اللي كانوا جايين له عشان يباركهم
(باين كده الاكل مش عاجبه)
فغضب وقال هاخللي مصر تتهزم في الحرب
وما هي الا ساعات حتي نفذ كلامه
وكانت
هزيمة 1967في نكسة يونيو
وفي يومها قام الرئيس جمال عبد الناصر بالاتصال بالسيد البدوي في الاوضه بتاعته وقال له ليه كده يا حاج سيد
قال له عشان انا زعلان منكم شوية ولازم تيجي لي يا ريس
قام الرئيس جمال عبد الناصر واخد مكروباص
من عبود رايح طنطا وطار علي السيد البدوي
يشوفه زعلان ليه لكن للأسف لقاه مات
في الاوضه بتاعته وساعتها
رجع الرئيس عبد الناصر وقرر التنحي عن الحكم
فثارت جموع الشعب وقالو
لا يمكن ان يتنحي جمال
ارجع يا جمال ارجع يا جمال
ورجع جمال عبد الناصر
واول قرار اصدره انه يبني مسجد السيد البدوي
عشان مصر تنتصر في الحرب وقد كان
بني المسجد بسرعه وانتصرت مصر في الحرب
ضد اسرائيل واي حرب تانيه
لازم تكون
ببركة السيد البدوي
انتهت قصة السيد البدوي
طبعا كل من سيقرأ هذا الموضوع سيقوم
بابلاغ المباحث والنيابه ضدي
باني اختلق الاكاذيب وبسهوله جدا
سيستطيع اثبات التهم علي
وهاخد اعدام ربنا يستر
ولكن لتصحيح المفاهيم
اقول ان هذه القصة
ما هي الا نص حوار دار بيني وبين احد سائقي السرفيس
في مدينة طنطا حيث كنت في زيارة
لاحد اصحابي الاعزاء
وكان معي
صديقي عمور صاحب مدونة لسه عايش وكذلك صديقي ابو اسامه
وسالني عمور سؤال وقاللي بحكم انك بتلف كتير وبتسافر اكتر
اسالك سؤال هو مسجد السيد البدوي مشهور ليه ؟ ولاني لست من اهل البلد
سالت السؤال لسائق السرفيس
فقال انتو منين يا رجاله قلتله من الشرقية
قال احسن ناس
بص يا سيدي .........
.وقعد يحكي القصه اللي فاتت
بصراحه انا كنت
هاشد في شعري
بس فكرت شويه
وقلت يااااااااااااااااااااااااااه لحد كده
وصل التدني في
المستوي الفكري للشعب المصري
ولكن هاترك لكم حرية التعليق علي الموضوع
التدوينه الجايه
اعتصام غزل المحله المكاسب والخسائر

بسم الله نبدأ

بسم الله الرحمن الرحيم

بلا حدود حلم جميل .....بدأمن زمان

زمان قوي

حلمت فيه تحت سما صافيه

اني بلا حدود

حياتي بلا حدود

صوتي بلا حدود

نقدي بلا حدود

ايماني بلا حدود

حبي بلا حدود

بحب بلدي بلا حدود

امشي بلا حدود

انام بلا حدود

بس بسرعه الحلم انتهي

لان السما الصافيه بدأت تتملي غيوم

وسحب سودا

حاولت ارجع للحلم بتاعي بسرعه وامسك فيه

علشان افضل عايش في الاحلام اللي بلا حدود

لكن ....صحيت علي ضربة قلم

وصوت جامد اوي بيقول

قوم يا ابن 00000

قلت له انت مين وعايز ايه ؟

قاللي انت مقبوض عليك

قلت له بتهمة ايه انا لسه صاحي من النوم

قاللي بتهمة انك تخطيت الحدود

قلت له خلاص ارجع جوه الحدود

قال ما ينفعش

قفلنا الحدود

واصطدناك وانت بتحلم انك بره الحدود